Mol go‘ngi — bu qoramollardan chiqadigan tabiiy chiqindi bo‘lib, asosan o‘simliklarni oziqlantirish va tuproq unumdorligini oshirish uchun ishlatiladi. Mol go‘ngi tarkibida azot, fosfor, kaliy kabi o‘simliklar o‘sishi uchun zarur bo‘lgan organik va mineral moddalar mavjud. Bu go'ng quruq yoki ho'l holda qo‘llanishi mumkin va uning tuproq tarkibini yaxshilash, suvni ushlab turish qobiliyatini oshirish va mikroorganizmlar faoliyatini kuchaytirish xususiyati bor.

Go'ngning o'zgartirilgan ko'rinishlari, masalan, kompost yoki biohumus (kaliforniya qizil chuvalchanglari yordamida qayta ishlangan go'ng) agrotexnikada juda samarali hisoblanadi.